Persónuverndarstefna

1. Ábyrgðaraðili

Þessi stefna lýsir því hvernig Tutor safnar, notar og varðveitir persónuupplýsingar. Ábyrgðaraðili vinnslunnar í skilningi laga nr. 90/2018 um persónuvernd og vinnslu persónuupplýsinga og reglugerðar (ESB) 2016/679 („GDPR“) er:

• Nafn: [Nafn ábyrgðaraðila – SKYLDA FYRIR OPNUN]
• Heimilisfang: [Heimilisfang ábyrgðaraðila]
• Netfang: [Netfang Tutor – SKYLDA FYRIR OPNUN]

Tutor hefur ekki skipað persónuverndarfulltrúa. Spurningum um persónuvernd má beina á netfangið hér að ofan.

2. Hvaða upplýsingum söfnum við?

Við biðjum ekki um fæðingardag, kennitölu eða greiðsluupplýsingar, fylgjumst ekki með staðsetningu og notum hvorki greiningar- né auglýsingakökur. Myndir eru endurunnar á netþjóni áður en þær eru vistaðar og þá eru falin lýsigögn, svo sem GPS-staðsetning, fjarlægð.

3. Tilgangur og lagagrundvöllur

Við byggjum ekki ákvarðanir sem hafa réttaráhrif fyrir þig eingöngu á sjálfvirkri vinnslu.

4. Hverjir sjá upplýsingarnar?

• Allir sem heimsækja vefinn sjá samþykkta kennaraprófíla: fullt nafn, mynd, nám, lýsingu, verð, kennsluform, námskeið, lausan tíma, meðaleinkunn og umsagnir. Með umsögn birtist fornafn höfundar og dagsetning.
• Viðmælendur þínir í samtali sjá nafn þitt og samþykkta prófílmynd, en ekki netfang eða símanúmer.
• Stjórnendur Tutor sjá það sem þarf til að fara yfir prófíla, myndir, tilkynningar og ábendingar, þar á meðal símanúmer kennara sem sækja um birtingu.
• Rekstraraðili Tutor hefur tæknilegan aðgang að gagnagrunninum. Hann skoðar skilaboð ekki að jafnaði, heldur aðeins þegar það er nauðsynlegt vegna tilkynningar, öryggis, gruns um misnotkun, beiðni þinnar eða lagaskyldu.

Vinnsluaðilar. Við notum eftirfarandi þjónustuaðila sem vinna upplýsingar eingöngu fyrir okkar hönd:

• Supabase (Supabase Inc., Bandaríkjunum): gagnagrunnur, innskráning, myndageymsla og tölvupóstur vegna aðgangs. Gögnin eru geymd á: [Staðsetning gagna – staðfesta].
• Resend (Resend, Inc., Bandaríkjunum): sending tilkynninga í tölvupósti. Resend fær netfang viðtakanda, nafn sendanda og texta tilkynningarinnar, en aldrei efni skilaboða.
• Hýsing vefsins: [Hýsingaraðili – óákveðinn].

Við seljum ekki persónuupplýsingar. Upplýsingar kunna að verða afhentar yfirvöldum þegar lög krefjast þess, eða nýjum rekstraraðila ef rekstur Tutor er framseldur, og þá gildir þessi stefna áfram.

5. Flutningur út fyrir EES

Supabase Inc. og Resend, Inc. eru bandarísk félög. Ef persónuupplýsingar eru fluttar eða aðgengilegar utan Evrópska efnahagssvæðisins byggir flutningurinn á viðeigandi verndarráðstöfunum samkvæmt V. kafla GDPR, svo sem stöðluðum samningsákvæðum framkvæmdastjórnar ESB: [Grundvöllur flutnings – staðfesta í vinnslusamningum Supabase og Resend].

6. Hve lengi geymum við upplýsingar?

Við geymum persónuupplýsingar ekki lengur en þörf er á í þeim tilgangi sem þeim var safnað í. Upplýsingar um virkan aðgang eru geymdar meðan aðgangurinn er til. Ef þú óskar eftir að aðgangi þínum verði eytt gerum við það án ástæðulausrar tafar og innan mánaðar, með þeim undantekningum sem hér koma fram.

Undantekningar. Ef upplýsingar eru nauðsynlegar vegna yfirstandandi ágreinings, rannsóknar á svikum eða misnotkun, eða lagaskyldu, geymum við þær þar til málinu er lokið.

Ópersónugreinanleg tölfræði. Við megum varðveita og nota tölfræði sem hefur verið gerð ópersónugreinanleg, þannig að hvorki er hægt að rekja hana til einstaklinga né tengja hana þeim aftur, án tímatakmarka. Slík tölfræði telst ekki til persónuupplýsinga.

7. Réttindi þín

Samkvæmt persónuverndarlögum átt þú rétt á:

• að fá aðgang að upplýsingum um þig og afrit af þeim;
• að fá rangar upplýsingar leiðréttar;
• að fá upplýsingum eytt, nema varðveisla sé nauðsynleg, til dæmis vegna lagaskyldu eða réttarkrafna (sjá 6. kafla);
• að vinnsla verði takmörkuð í ákveðnum tilvikum;
• að fá upplýsingar sem þú lést okkur í té á tölvutæku formi (flutningsréttur);
• að andmæla vinnslu sem byggir á lögmætum hagsmunum, þar á meðal rekstrargreiningu. Við hættum þá vinnslunni nema við getum sýnt fram á mikilvægari lögmætar ástæður fyrir henni.

Sendu beiðni á [Netfang Tutor – SKYLDA FYRIR OPNUN]. Við svörum innan mánaðar og gætum þurft að staðfesta hver þú ert. Þú getur einnig kvartað til Persónuverndar (personuvernd.is).

8. Öryggi

• Gagnagrunnurinn notar aðgangsreglur (Row Level Security) þannig að hver notandi getur aðeins lesið og breytt því sem honum er heimilt, til dæmis eigin upplýsingum og eigin samtölum.
• Samskipti við vefinn eru dulkóðuð (HTTPS) og lykilorð eru geymd sem tætigildi hjá Supabase, ekki í læsilegu formi.
• Kennaramyndir og prófílmyndir eru geymdar á vefslóðum sem ekki er hægt að giska á, en hver sem fær slóðina getur skoðað myndina. Skjámyndir með ábendingum eru í lokaðri geymslu og aðeins stjórnendur geta opnað þær, með hlekk sem gildir í eina klukkustund.
• Takmörk á fjölda aðgerða draga úr ruslpósti og misnotkun.

Engin kerfi eru fullkomlega örugg. Ef öryggisbrestur verður sem ógnar réttindum þínum tilkynnum við það Persónuvernd og þér eftir því sem lög kveða á um.

9. Aldur

Tutor er eingöngu fyrir 18 ára og eldri. Við vinnum ekki vísvitandi upplýsingar um yngri einstaklinga og eyðum þeim ef við verðum þess vör að slíkur aðgangur hafi verið stofnaður.

10. Breytingar á stefnunni

Við uppfærum þessa stefnu ef vinnsla breytist. Verulegar breytingar tilkynnum við með tölvupósti eða á vefnum áður en þær taka gildi. Útgáfunúmer og dagsetning efst á síðunni sýna hvenær stefnunni var síðast breytt.